وٹامن کی گولیوں اورسپلیمنٹ کے استعمال میں احتیاط کریں، ماہرین

کراچی: غذائی ماہرین نے خبردار کیا ہے کہ وٹامن کی گولیاں اورسپلیمنٹ آپ کی صحت کو فائدہ پہنچانے کے بجائے مختلف امراض میں مبتلا کرسکتے ہیں۔
اگرچہ ان میں سے چند ایک مفید بھی ہیں لیکن بیشتر کے مسلسل استعمال سے خطرناک بیماریوں کا خطرہ بھی لاحق ہوسکتا ہے۔ تازہ تحقیقات کی روشنی میں ماہرین کا کہنا ہے کہ سبزیاں کھائیں، خوب پانی پیئیں، ورزش کریں اور بہتر ہے کہ وٹامن کی گولیوں سے پرہیز کریں۔
جانیے کون کونسے وٹامن کی گولیاں اور سپلیمنٹ کے آپ کی صحت پر کیا اثرات ہوتے ہیں۔
ملٹی وٹامن: انہیں استعمال نہ کریں کیونکہ جو کچھ ملٹی وٹامن کی گولیوں میں ہوتا ہے وہ سب کچھ آپ کی متوازن غذا میں موجود ہوتا ہے۔ 2011 میں 25 سال یا اس سے زیادہ عمر کی 39 ہزار خواتین پر کیے گئے ایک مطالعے میں معلوم ہوا کہ ملٹی وٹامن کی گولیوں کا پابندی سے استعمال، ناگہانی موت کے خدشات میں اضافہ کردیتا ہے۔